لاھور چیمبر آف کامرس کے اراکین کا دورہ ایران۔

لاہور چیمبر آف کامرس اینڈ انڈسٹری کے صدر اور اعلیٰ عہدیداروں پر مشتمل ایک پاکستانی تجارتی وفد آج صبح اسلامی جمہوریہ ایران کے لئے روانہ ھوا۔

لاہور کے سینئر کاروباری کارکنوں اور اس شہر کے ایوان صنعت و تجارت کے عہدیداروں کا دورہ لاہور میں اسلامی جمہوریہ ایران کے قونصلیٹ جنرل کے ذریعے دونوں ممالک کے درمیان رابطوں کو وسعت دینے کی کوششوں کا حصہ ہے۔

لاہور چیمبر کے ممبران ایران کے شہروں تہران، اصفہان، مشہد اور زاہدان کا دورہ کریں گے، اور ایران کے کاروباری اور صوبائی عہدیداروں سے ملاقات کریں گے اور چیمبر آف کامرس میں اپنے ہم منصبوں کے ساتھ باہمی تجارت کو فروغ دینے اور پنجاب اور ایرانی صوبوں کے درمیان اقتصادی اور تجارتی تعلقات کو بڑھانے کے طریقوں پر تبادلہ خیال کریں گے۔ .

ایران اور پاکستان کے نجی شعبوں کے درمیان تعلقات کو مضبوط بنانا اور سرمایہ کاری، سیاحت، صنعت اور درآمد و برآمد کے شعبوں میں تعاون کو فروغ دینے کے لیے باہمی صلاحیتوں کی وضاحت پاکستانی تجارتی وفد کے دورہ ایران کے اہم مقاصد ہیں۔

یاد رہے اس وقت پاکستان کی قومی اسمبلی کے وائس سپیکر اسلامی مشاورتی اسمبلی کے پہلے ڈپٹی سپیکر کی دعوت پر سرکاری دورے پر تہران میں ہیں۔ اس دورے سےدو طرفہ تجارتی تعاون کو مضبوط بنانا، دونوں ہمسایہ ممالک کے درمیان تجارتی تعلقات کو آسان بنانا، خاص طور پر سرحد پار مشترکہ منڈیوں کے ڈیزائن کو فروغ دینا اور سرحدی تعلقات کو ہموار کرناجیسی اہم پیش رفت ھوگی۔

قونصل جنرل ایران لاھور محمد رضا ناظری کا کہنا ھے کہ لاہور چیمبر پاکستان کا سب سے مضبوط چیمبر آف کامرس ہے جس کے 25,000 سے زیادہ ممبران ہیں، اور اس مضبوط کاروباری تنظیم کے ممبران تہران چیمبر آف کامرس اینڈ انڈسٹری کی سرکاری دعوت پر سفر کر رہے ہیں، ان کا کہنا ھے کہ

یہ دورہ ہمارے صوبوں اور پڑوسی ملک پاکستان کے درمیان اقتصادی تعاون کو فروغ دینے کا ایک اہم موقع فراہم کرے گا۔