ایران کےسفیرسید محمد علی حسینی کا دبستان اقبال لاہور کا دورہ

ایران کےسفیرسید محمد علی حسینی نے قونصل جنرل ایران محمد رضا ناظری کے ھمراہ دبستان اقبال لاہور کا دورہ کیا اورحضرت علامہ اقبالؒ کے نواسے اقبال صلاح الدین سے ملاقات کی۔ ایرانی سفیر سید محمد علی حسینی نے علامہ اقبال سے ایرانیوں اور اپنی عقیدت کا اظہار کرتے ہوئے علامہ اقبال کا نواسے سے ان سے ملاقات کو دلی تمنا قرار دیا۔ اور کہا کہ میری تمنا تھی کہ علامہ اقبال کے خانوادے سے ملاقات کروں۔ اس موقع پر انھوں نےمشہورفلمی ادارے فارابی کی جانب سے علامہ اقبال پرڈاکومنٹری بنانے کے پروگرام پر بات کی اور کہا کہ اس سلسلے میں آپ کی قیمتی رائے سے استفادہ کیا جائے گا۔ اس موقع پرماہر امور فرھنگی شبیر احمد شگری نے وفد کو بتا کہ چند سال پہلےحوزہ ھنری ایران کی ٹیم لاہورآئی اورانھوں نےایک ڈاکومنٹری فلم بنائی گئی جس کے پاکستان میں پروڈکشن مینیجربھی وہ خود تھے۔ اس ڈاکومنٹری کو پریس ٹی وی پر بھی دکھایا گیا۔

سفیر ایران محمد علی حسینی نے اقبال صلاح الدین سے یہ فرمائش بھی کی کہ وہ حضرت اقبال کے منتخب فارسی اشعار مہیا کریں جن کی شیلڈز بنائی جائیں گی جو لوگوں کو تحائف کے طور پر پیش کی جائیں گی۔ اس سے نہ صرف حضرت علامہ اقبال کے اشعار کی پذیرائی ہوگی بلکہ فارسی زبان کو بھی فروغ حاصل ہوگا۔

سفیر ایران کو دبستان اقبال کے مختلف حصوں کا بھی وزٹ کرایا گیا۔ جہاں جا بجا اشعار اقبال اور فکر اقبال کے نثری اور پینٹنگ والے فریمز آویزاں ہیں۔ جسے دیکھ کر سفیر ایران نے مسرت کا اظہار کیا۔

دبستان اقبال کے سربراہ اور حضرت علامہ اقبال کے پوتے اقبال صلاح الدین نے ایرانی سفیر کو وفد کے ھمراہ آمد پر ان کا شکریہ ادا کیا۔ اورایرانی آرٹ خصوصاً خطاطی اور فارسی زبان سے دلی وابستگی کا اظہارکیا۔

اس موقع پرخانہ فرھنگ ایران لاہور کے ڈائریکٹرعلی اکبر رضائی فرد بھی موجود تھے۔